Nókis qalası 1-sanlı kásip-óner mektebiiniń

Ishki miynet tártip qaǵıydaları

 

  1. Ulıwma rejeler.

1.1. Ishki miynet tártip qaǵıydaları (endigiden bılay qaǵıydalar) miynet shártnamasın dúziw, ózgeris kirgiziw hám biykarlaw tártibi, miynet intizamın saqlaw, jumıs waqtı hám dem alıs waqtınan paydalanıw tártiplerin belgileytuǵın tiykarǵı lokal normativ hújjet bolıp tabıladı.

1.2. Usı qaǵıydalar Nókis qalası 1-sanlı kásip-óner mektebiiniń (endigiden bılay mákeme) basshısı hám barlıq miynet shártnaması menen islewshi xızmetkerlerine teńdey tiyisli bolıp tabıladı.

1.3. Qaǵıydalar kásiplik awqam komiteti menen kelisilgen halda bekitilgen kúninen baslap óz kúshine kiredi.

1.4. Usı qaǵıydalar shártlerin orınlaw basshı hám xızmetkerler ushın wazıypa bolıp esaplanadı, olardı orınlamaǵan xızmetkerlerge nızamda kórsetilgen intizam juwapkershiligine tartıw ushın tiykar boladı.

 

  1. Mákeme basshısınıń tiykarǵı wazıypaları.

2.1. Tómendegiler mákeme basshısınıń tiykarǵı wazıypaları boladı:

  1. a) mákeme xızmetkerleriniń jumısın durıs shólkemlestiriw, olarǵa óz qánigeligi boyınsha lawazımında islewi ushın jeterli dárejede miynet shárayatların jaratıw, jumıs ornı hám jumıs penen támiyinlew;
  2. b) qáwipsiz hám den sawlıqqa zıyansız miynet shárayatların jaratıw;
  3. v) miynet is haqısı tólemlerin barqulla rawajlandırıw, xızmetkerlerdiń jeke miynetiniń nátiyjesine materiallıq qızıǵıwshılıǵın arttırıw;
  4. g) miynet is haqısın ayına 2-márte belgilengen múddetlerde – hár aydıń 15 kúnine sol ay ushın avans, keyingi aydıń 5-kúnine tolıq esaplasıw pulın beriw;
  5. d) miynet tártibin qatań orınlanıwın támiyinlew, miynet tártibin hám júris-turıs etikasın buzıwshılarǵa shara qollanıw;
  6. e) xızmetkerlerdiń qánigeligin sistemalıq túrde asırıp barıw, onıń ushın tarawda bar qánigeligin asırıw institutları xızmetinen paydalanıw;
  7. j) xızmetkerlerdiń óz wazıypaların orınlawı ushın jaǵday tuwǵızıw, jámáátte iskerlik, talapshańlıq jaǵday jaratıwǵa járdemlesiw, xızmetkerlerdiń sın usınısların waqtında kórip shıǵıw, juwmaǵı boyınsha jámáátti xabarlandırıw;
  8. Jumıs waqtı hám dem alıs waqtı.

3.1. Mákemede is háptesiniń tómendegi múddetleri qabıl etildi (saat):

Oqıtıwshılar 1-stavkada yaǵnıy 800 saat bolsa jumıs saatı háptesine 36-saattan ibarat bolıp onıń 18-saatı oqıw saatı, 18-saatı pedogogikalıq saatı dep belgilenedi. (800 oqıw saatı *0,925=740+800=1540/10ay/25,4kun=6-saat. 3-oqıw saatı, 3-ped. saatı) (Akademiyalıq saat esabı boyınsha 6 saat 3 paraǵa teń).

Basqa texnik xızmetkerler ushın jumıs waqtı háptesine 40-saat etip belgilenedi.

  1. a) normal miynet shárayatlarında islewshiler ushın – 40 saat;
  2. b) 16 jastan 18 jasqa shekemgi xızmetkerler ushın – 36 saat;
  3. v) I hám II topar mayıpları ushın – 36 saat;
  4. g) miynet shárayatlarına baha beriwdiń Ózbekstan Respublikası Miynet hám xalıqtı sociallıq qorǵaw ministrligi menen Ózbekstan Respublikası den sawlıqtı saqlaw ministrligi tárepinen tastıyıqlanǵan kórsetpe tiykarında attestaciyadan ótkerilgen islerde bánt bolǵan xızmetkerler ushın – 36 saattan artıq bolmaǵan múddet;

Pedagoglarǵa teńelgen basqa xızmetkerlerdiń jumısınıń baslanıw waqtı:

I-gezek ushın saat 8-30, II-gezek ushın saat 14-00 (eger oqıw II-gezekte bolsa);

Awqatlanıw hám dem alıw ushın waqıt:

I-gezek ushın saat 11:20 – 11:40;

Jumıstıń tamamlanıw waqtı:

I-gezek ushın saat 13:30

Texnik xızmetkerler ushın jumıs hám dem alıs waktı tómendegishe:

Jumıs baslanıwı saat 9:00;

Túslik awqatlanıw waqtı saat 13:00 – 14:00;

Jumıstan qaytıw saat 17-00 de.

Awqatlanıw hám dem alıw waqtınan xızmetker óz qálewi boyınsha paydalanadı.

Pedagoglardan basqa xızmetkerlerge bayram kúnlerinen aldınǵı kuni jumıs waqtı  1-saatqa qısqartıladı.

3.2. Mákeme basshısı jumısqa keliw-ketiwdi qadaǵalawdı shólkemlestiredi.

3.3. Mákeme basshısı hám xızmetkerdiń kelisimi menen jumısqa alıw dáwirinde de, sonday-aq jumıs waqtında da hámledar yaki 12 jasqa shekemgi (mayıp 16 jasqa shekemgi) balası bar, sonday-aq onıń qarawında medicinalıq kórsetpesine muwapıq awırıw adam bar jaǵdaylarda jumıs waqtı qısqartılǵan jumıs kúni yaki háptesi belgilenedi.

Xızmetkerdiń watqı tolıq emes jumıs kúninde yaki háptesinde islewi onıń gezektegi jıllıq miynet dem alısı múddetiniń uzınlıǵın, miynet stajı hám basqa da miynet huqıqların sheklewshi báne bola almaydı, hám oǵan islegen waqtına proporcional aylıq is haqı tólenedi.

3.4. Xızmetkerlerdiń ayırım toparı mákeme basshısınıń buyrıǵı menen bayram hám dem alıs kúnleri náwbetshilikke kásiplik awqam komiteti menen kelisilgen halda dúzilgen náwbetshilik Kestesi bar bolǵan jaǵdayda qoyıladı hám bul xızmetkerlerdi bayram hám dem alıs kúnleri náwbetshilikke qoyıw Ózbekstan Respublikası Miynet Kodeksiniń statyaları talapları tiykarında ámelge asırıladı.

3.5. Mákeme basshısı yaki onıń orınbasarları xızmetkerlerden óz jumıs wazıypasına kirmeytuǵın, nızamǵa qayshı keletuǵın minnetlerdi hám namıs-arın ayaq astı qılatuǵın háreketlerdi bejeriwdi talap etiwi qadaǵan etiledi.

3.6. Xızmetkerlerdiń bayram hám dem alıs kúnleri islegen waqtına miynet haqısın tólew hám oǵan kompensaciya beriw Ózbekstan Respublikası Miynet Kodeksi talaplarına say islenedi.

 

  1. Xızmetkerdiń tiykarǵı wazıypaları:

4.1. Tómendegiler mákeme xızmetkerleriniń tiykarǵı wazıypaları boladı:

  1. a) intálı miynet etiw, miynet intizamın saqlaw, basshınıń nızamlı tapsırmaların waqtında hám durıs orınlaw;
  2. b) óz kásiplik mamanlıǵın barqulla arttırıp barıw;
  3. v) materiallıq baylıqlar hám tastıyıqlanǵan hújjetlerdiń saqlanıw hám paydalanıw tartibin saqlaw;
  4. g) basqa xızmetkerlerge óz wazıypaların atqarıwda kesent keltiretuǵın háreketke jol qoymaw, óz-ara mináyımlıq hám birge islesiw qaǵıydaların saqlaw;

Sonıń menen birge:

– oqıtıwdı joqarǵı kásiplik sheberliginde ótiw, oqıwshılardı mámleketlik talap tiykarlarında oqıw dástúrlerin ózlestiriwge erisiw;

– pedagog etikasın saqlaw, balalardı, oqıwshılardı húrmetlew, olardı miynetke, nızamǵa, ata-anasına, hayal-qızlarǵa, jası úlkenlerge húrmet etiw, ruwxıy, mádeniy-milliy hám ulıwma adamgershilik talaplarına ámel etiw, qorshap turǵan ortalıqtı asırap-abaylaw;

– óziniń barlıq háreketleri hám jeke isleri menen ulıwma adamgershilik ikramlılıqqa, ádalatlıqqa, haqıyqatlıqqa, patriotizmge, gumanizmge, jaqsılıqqa hám basqa da unamlı pazıyletlerge úlgi bolıw;

– ósip kiyatırǵan jas áwladtı óz-ara kelisimlilikke, xalıqlar hám barlıq etnik, milliy hám diniy toparlar arasında tatıwlıqqa hám doslıqqa tarbiyalaw;

– balalar hám jaslardı zulımlıqtıń barlıq túrlerinen qorǵaw. Pedagoglardıń wazıypası bolıp tabıladı.

 

 

 

  1. Miynet shártnamasın dúziw, ózgertiw hám biykarlaw tártibi.

5.1. Miynet shártnamasın dúziw hám ózgertiw Ózbekstan Respublikası Miynet Kodeksi talaplarına muwapıq júrgiziledi. Muǵállimler jumısqa tiykarınan múddetsiz  shártnama menen qabıllanadı, múddetli shártnama basqa muǵállim ornına qabıllanǵanda, tez-tez awırıwshı xızmetkerler hám pensionerler menen dúziliwi múmkin.

5.2. Miynet shártnaması tiykarında jumısqa qabıllaw haqqındaǵı shıǵarılǵan buyrıq penen xızmetker tanıstırıladı hám qol qoyadı.

Xızmetker menen dúzilgen miynet shártnaması tárepler qol qoyǵan kúninen baslap óz kúshine kiredi. Xızmetker miynet shártnamasında kórsetilgen múddette jumısqa kirisiwi kerek. Eger jumıstıń baslanıw múddeti kórsetilmese xızmetker miynet shártnamasına qol qoyılǵan kúnnen keyingi jumıs kúni jumısqa kirisiwi kerek.

Mákeme basshısınıń ruxsatı yaki kelisimi menen xızmetker jumısqa tiyisli hujjetlerdi rásmiylestirmey kirisse, ol sol kúnnen baslap jumısqa qabıllandı dep esaplanadı.

5.3. Xızmetkerler menen miynet shártnaması onıń qabıllanıp atırǵan jumısqa qánigeliginiń juwap beriwin tekseriw yaki xızmetkerdiń usı jumısta islew sheshimin qabıllawǵa belgili múddet beriw maqsetinde 3-ayǵa shekem sınaq múddeti menen alınıwı múmkin. Sınaq múddeti miynet shártnamasına kirgiziliwi kerek. Miynet shártnamasında sınaq múddeti kórsetilmese xızmetker jumısqa sınaqsız qabıllanǵan dep esaplanadı. Sınaq dáwirinde miynet shártnaması 3 kún aldın jazba túrde eskertiw menen toqtatılıwı múmkin. Mákeme direkciyası bul jaǵdayda xızmetkerdi sınaqtan óte almaǵanlıǵı tiykarında jumıstan bosatadı.

5.4. Táreplerdiń kelisimi menen jumısqa qabıllaw dáwiri hám jumıs islew dáwirinde de onıń tiykarǵı wazıypasına qosımsha kásiplik orınbasarlıq yaki jumıs kólemin kóbeytiw ushın wazıypalar júkleniwi múmkin.

Bul jumıslar tiykarǵı jumıs waqtında islenedi. Olardıń orınlanıwı hám is haqısın tólew muǵdarı táreplerdiń kelisimi menen tártipke salınadı.

Kásiplik orınbasarlıq jumısların islew waqtı belgili bir múddetke yaki múddeti sheklenbegen bolıwı múmkin.

5.5. Xızmetkerdiń miynet shártnamasındaǵı lawazımlı wazıypası tek ǵana onıń kelisimi menen ózgertiliwi múmkin hám miynet shártnamasına lawazımlı wazıypalarınıń ózgeriwi, onıń múddeti qosımsha kirgiziliwi kerek.

5.6. Miynet qatnasıqları táreplerdiń kelisimi, bir táreptiń qálewi, múddetiniń pitiwi, táreplerdiń ıxtıyarına kirmeytuǵın jaǵdaylardıń kelip shıǵıwı menen toqtatılıwı múmkin.

5.7. Táreplerdiń kelisimi menen barlıq túrdegi miynet shártnamaları biykarlanıwı múmkin.

5.8. Xızmetker mákeme basshısın 2-hápte aldın jazba túrde eskertip miynet shártnamasın buzıwı múmkin. Usı múddet pitkennen soń xızmetker jumısqa shıqpawǵa haqılı hám mákeme basshısı oǵan miynet dáptershesin beriwi hám tolıq esaplasıwı kerek. Usı múddet ishinde xızmetker óz arzasın qaytıp alıwǵa haqılı. Eskertiw múddeti pitkennen soń xızmetker jumısqa keliwin dawam etse, onda arza jazılmaǵan dep esaplanadı.

Eger xızmetker saylanıp qoyılatuǵın jumısqa, pensiyaǵa, oqıwǵa ketip baratırǵan bolsa, mákeme basshısı xızmetker soraǵan múddette miynet dáptershesin berip tolıq esaplasıwı kerek.

5.9. Mákeme basshısınıń intası menen múddetsiz miynet shártnamasın hám múddetli miynet shártnamasınıń múddeti pitiwine shekem biykarlaw tómendegi jaǵdaylarda ámelge asırıladı:

– sabaq ústemeleriniń, jumıs  keskin ózgeriwine baylanıslı shtatlardıń qısqarıwı;

– xızmetkerdiń óz lawazımına qánigeliginiń jetispewine yaki den sawlıǵına baylanıslı tuwrı kelmewi;

– óz xızmet wazıypasın sistemalıq túrde orınlamawı, yaki tártip intizamdı sistemalıq túrde buzıwı;

– óz xızmet wazıypasın 1 márte qopal ráwishte buzıwı, 1 márte qopal ráwishte óz xızmet wazıypasın buzıw dep tómendegiler esaplanadı:

– qanday muǵdarına qaramastan mákeme múlkin yaki finans qarjıların urlaw;

– jumısqa alkogol ishimliklerin iship, narkotik zatlardan paydalanıp keliwi;

– mákeme múlkin bile tura zıyanlaw yaki buzıw;

– jumıstan sebepsiz qalıw, sonıń ishinde muǵállimler sabaq kestesindegi 3-saat, basqa xızmetkerler 3-saat jumıs ornında sebepsiz bolmawı;

– mákeme basshısı hám onıń orınbasarlarınıń óz lawazımları boyınsha talaplarına boysınbaw;

– qarjı hám bahalı zatlar menen islesiwshi xızmetkerlerdiń háreketi yaki háreketsizligi saldarınan olarǵa isenimdi joǵaltıw;

– óz xızmet lawazımın sebepsiz orınlamaw.

5.10. Miynet shártnaması biykar etilgende barlıq jaǵdaylarda buyrıq penen rásmiylestiriledi. Buyrıq shıqqan kúni mákeme basshısı xızmetker menen tolıq esaplasıwı hám miynet dáptershesin, buyrıqtan kóshirmesin qolına beriwi kerek.

5.11. Miynet shártnaması biykar etiw haqqındaǵı buyrıq tiykarına Ózbekstan Respublikası Miynet Kodeksiniń tiyisli statyaları keltiriliwi kerek.

5.12. Miynet dáptershesine shártnaması biykar etilgen múddeti hám onıń tiykarı jazıladı.

  1. Jıllıq miynet dem alısın beriw.

6.1. Jıllıq miynet dem alısın beriw hám oǵan haqı tólew Ózbekstan Respublikası Miynet Kodeksi hám mákeme basshısı hám kásiplik awqam komiteti arasında dúzilgen Jámáátlik Shártnama talaplarına say júrgiziledi.

Muǵállimlerdiń jumısqa qay waqıtta kelgeninen biyǵárez jıllıq miynet dem alısı jaz aylarında tolıq 48 kún muǵdarında islegen tolıq aylarına 4 kún esabınan proporcional haqı tólew menen beriledi. Qalǵan xızmetkerlerge jıllıq gezektegi miynet dem alısı usı mákemede 6-ay islegennen soń beriledi.

6.2. Aylıq is haqısı saqlanbaǵan miynet dem alısları Ózbekstan Respublikası Miynet Kodeksi hám mákeme basshısı menen kásiplik awqam komiteti arasında dúzilgen Jámáátlik Shártnama talaplarına say beriledi.

6.3. Jumıs islegenine 6-ay tolǵanǵa shekem jıllıq miynet dem alısı hayal-qızlarǵa hámledarlıq dáwirinen aldın yaki sońınan, I-II-topar mayıplarına, 18-jasqa tolmaǵan xızmetkerlerge, orınbasarlıqta islep atırǵan xızmetkerlerge tiykarǵı jumıs ornında jıllıq miynet dem alısı berilse, jumıstan qol úzbey oqıp atırǵan xızmetkerlerge oqıwǵa shaqırılǵanında islegen kúnlerine proporcional beriledi.

6.4. Pedagoglarǵa mákemede ekinshi hám odan sońǵı jıllardaǵı gezektegi miynet dem alısları da jaz aylarında kásiplik awqam komiteti menen kelisilgen hám bekitilgen dem alısqa jiberiw grafigine sáykes beriledi. Texnik hám pedagog emes xızmetkerlerge ekinshi hám odan sońǵı jıllardaǵı gezektegi miynet dem alısları jıldıń qálegen waqtında kásiplik awqam komiteti menen kelisilgen hám bekitilgen dem alısqa jiberiw grafigine sáykes beriledi.

6.5. Tek ǵana ayrıqsha óndiriske baylanıslı jaǵdaylarda pedagoglardan basqa xızmetkerdiń jazba kelisimi menen gezektegi jıllıq dem alısınıń 12 kúnnen asqan bólegi kelesi jılǵa ótkeriliwi múmkin hám kelesi jılı beriliwi shárt.

Xızmetkerdiń jazba arzası boyınsha gezektegi jıllıq miynet dem alısı bóleklerge bólip beriliwi múmkin, bunday jaǵdayda miynet dem alısınıń bir bólegi 12 kúnnen kem bolıwı múmkin emes.

Jıllıq miynet dem alısınan xızmetker tek onıń kelisimi menen shaqırılıwı múmkin. Miynet dem alısınıń paydalanbay qalǵan bólegi kelesi jılǵa ótkeriliwi yaki jıl dawamında aylıǵı saqlanǵan halda dem alıs beriliwi múmkin.

Muǵállimler hám pedagoglar gezektegi jıllıq miynet dem alısınan shaqırıp alınǵan jaǵdayında qalǵan kúnlerine olarǵa kelesi jılı tek ǵana kompensaciya tólenedi.

6.6. Xızmetkerler tómendegi jaǵdayda jıllıq miynet dem alısın sońǵı jılǵa qaldırıwǵa yaki kúnin sozdırıwǵa haqılı:

– waqıtsha iske jaramsız jaǵdaylarda;

– hámledarlıq múddetiniń baslanıwına baylanıslı;

– oqıwǵa beriletuǵın miynet dem alısı menen múddeti sáykes kelgende;

– mámleketlik hám jámiyetlik wazıypalardı orınlaǵan waqtında;

Usı jaǵdaylar gezektegi miynet dem alısı dáwirine tuwrı kelse, miynet dem alısı sol kúnler sanına uzaytıladı yaki basshı hám xızmetkerdiń kelisimi menen paydalanbaǵan bólegi kelesi jıldıń miynet dem alısına qosıladı.

6.7. Pedagoglardan basqa xızmetkerler jumıs islew dáwirinde gezektegi miynet dem alısı ornına kompensaciya alıwı múmkin.

6.8. Jıllıq miynet dem alısı grafigi kásiplik awqam komiteti menen aldın ala kelisilgen halda tastıyıqlanadı.

6.9. Xızmetkerler Jámáátlik shártnamada kórsetilgen usı mákemede úzliksiz miynet stajları ushın hám basqa jaǵdaylarda qosımsha miynet dem alısın alıwǵa haqılı.

6.10. Jıllıq miynet dem alısı ushın xızmet haqı dem alısı baslanıwınan 1 kún aldın tólenedi. Xızmetker jıllıq miynet dem alısı haqqında waqtında xabarlandırılmasa yaki miynet dem alısı baslanıwına shekem dem alıs haqı tólenbese xızmetkerdiń jazba arzası boyınsha jıllıq miynet dem alısınıń múddeti basqa kúnge ózgertiledi.

  1. Xoshametlew.

7.1. Xızmetkerler jumıslarda erisken jetiskenlikleri ushın Jámáátlik Shártnamada kórsetilgen jaǵdaylarda hám muǵdarlarda xoshametlenedi. Ayrıqsha miynettegi jetiskenlikleri ushın xızmetker mámleketlik sıylıqlarǵa usınıladı.

7.2. Tártip intizamdı buzǵanlıǵı ushın intizamlıq sharaǵa tartılǵan xızmetker sol shara dáwirinde xoshametlewlerden paydalanbaydı.

Miynet is haqısı, oǵan tiyisli qosımshalar, miynet haqısın tólew sistemasına kirgizilgen premiyalar, qosımsha tólemler xoshametlew túrlerine jatpaydı.

 

  1. Juwapkershilik.

8.1. Miynet intizamın buzǵanı ushın mákeme xızmetkerlerine tómendegi sharalar qollanılıwı múmkin:

– sógis;

– aylıq is haqısınan 20 % muǵdarında járiyma;

– aylı is haqısınıń 30 % muǵdarında járiyma. Xızmetkerdiń aylıq is haqısınan járiymalar hám basqa da uslamlar muǵdarı onıń aylıq is haqısınıń 50 % muǵdarınan asıwı qadaǵan etiledi;

– miynet shártnamasın biykarlaw.

8.2. Intizam sharasın kollanbastan aldın xızmetkerden jazba túsinik xat alınadı. Xızmetker túsinik xat beriwden bas tartsa, ol tuwralı akt jazıladı hám intizam sharası qollanıladı. Intizam sharasına tártip buzarlıqtan soń 1-ay ishinde tartılıwı kerek.

8.3. Hár bir tártip buzarlıqqa bir intizam sharası kóriledi.

Intizam sharası tártip buzarlıqtan soń 1-ay, al finans-xojalıq reviziyası juwmaǵı boyınsha tártip buzǵan kúnnen 2-jıldan soń qollanılmaydı. Bul múddetlerge jınayıy is qozǵatılǵan dáwirler kirmeydi.

8.4. Intizam sharasın qollanıw boyınsha buyrıq shıǵarıladı hám buyrıq xızmetkerge tanıstırılıp qol qoyadı.

8.5. Intizam sharasınıń múddeti bir jıl. Usı múddet ishinde xızmetker basqa intizam sharasın almasa intizam sharasın almaǵanlar qatarına qosıladı. Intizam sharası xızmetkerdiń yaki jámááttiń soranıwı menen múddetinen burın alıp taslanıwı múmkin.

8.6. Mákeme basshısınıń intizam sharasın qollanıwınıń durıs-nadurıslıǵın xızmetker hárekettegi nızamlarda dawa arzaların sheshiw qádeleri tiykarında aytısıwı múmkin.

8.7. Xızmetker óz háreketi menen mákemege zıyan keltirse oǵan intizamlıq shara qollanǵanlıǵınan biyǵárez is haqısınan usı zıyannıń tolıq kólemi óndiriledi.

8.8. Mákeme basshısı xızmetkerge keltirilgen zıyandı tómendegi jaǵdaylarda óndirip beredi:

– onıń miynet etiw múmkinshiligin nızamsız sheklese;

– densawlıǵına mayıplıq kesent etse, kásiplik awırıwǵa shalıqtırsa yaki densawlıǵına basqa zıyan etse.

 

  1. Táreplerdiń tartısıwlardı sheshiwi.

9.1. Xızmetker miynet nızamshılıǵında kórsetilgen huqıqların qorǵaw, sonıń ishinde sud arqalı qorǵaw huqıqına iye.

9.2. Óz huqıqların buzıldı dep esaplaǵan xızmetker jeke ózi yaki kásiplik awqam komiteti arqalı mákeme basshısına arza menen xabarlasadı hám onıń arzası dizimge alınadı.

9.3. Xızmetkerdiń arzası qaralǵannan keyin 3 kún ishinde oǵan jazba juwap beriledi.