Ózbekstan Respublikası Joqarı hám orta arnawlı bilimlendiriw Ministrligi buyrıǵına tiykarlanıp 1965-1966 jılları Nókis qurılıs texnikumı ashıldı. 1991-1992 oqıw jılında Nókis qurılıs texnikumı bazasında «Nókis qurılıs kolledji» bolıp qayta duzildi. 2001-jılı Ministrler Kabinetiniń 253-sanlı qararına muwapıq orta arnawlı kásiplik bilimlendiriw oqıw ornına aylandırıldı. 2004-jılı 27-yanvardaǵı №16-sanlı buyrıǵı hám bilimlendiriw basqarmasınıń 2004-jıl 26-oktyabrdegi №275-sanlı buyrıǵı tiykarında «Nókis qurılıs hám kommunal xojalıǵı kásip-óner kolledji» bolıp tastıyıqlanıp, oqıw imaratları, ishki hám sırtqı kommunikaciyalar, sport maydanları 2004-2005 jıllarda rekunstrukciyadan shıqtı. 2011 jıl Nókis kommunal xojalıǵı hám xızmet kórsetiw kásip-óner kolledji bolıp qayta shólkemlestirildi.

Ózbekistan Respublikası Prezidentiniń 2019-jıl 6-sentyabrdegi “Professional bilimlendiriw sistemasın jánede jetilistiriwge qaratılǵan qosımsha is ilajlar haqqında”ǵı PF-5812 sanlı pármanına tiykar Nókis kommunal xojalıgı hám xızmet korsetiw kásip-óner kolledji bazasında Nókis kalası 1-sanlı kásip-óner mektebi etip qayta shólkemlestirildi.

Házirgi uaqıtta kásip-óner mektebinde 39-pán kabinetleri, 3-kompyuter xanası, 3-laboratoriya xanası, 1 jabıq sport zal, 1 sport maydanshası, 1 avtomobillerdi basqarıwdı uyretiw maydanshası, 1 órt óshiriw hám qutqarıw maydanshası 1 málimleme kitapxana orayı, mektep oqıwshıları ushın 100 orınlıq oqıwshılar turar jayı, 6-oqıw ámeliyatı ustaxanaları islep tur.

Kásip-óner mektebi 600-orınlıq bolıp házirgi waqıtta 10 qániygelik boyınsha kundizgi tálim formasında 40-toparda 1060, dual tálim formasında 1 toparda 28 oqıwshı jámi 1088 oqıwshı oqıp tálim-tárbiya almaqta. Oqıwshılarǵa 56-tájiriybeli oqıtıwshılar hám 35-islep shıǵarıw tálimi ustaları teoriyalıq hám ámeliy bilimler berip kelmekte. Oqıwshılar bos waqıtların kewilli ótkeriw ushın 15-ulıwma bilim beriw hám pán dógerekleri ,4-sport sekciyaları hám «Jas qutqarıwshılar» kewilliler klubı jumıs islep tur.